ភ្នំពេញ)៖ និស្សិតនៃរាជបណ្ឌិត្យសភាកម្ពុជា ដែលបង្កើតចលនាប្រមូលហត្ថលេខា ដើម្បីដាក់ញត្តិទៅស្ថានទូតធំៗប្រចាំនៅកម្ពុជា ក្នុងគោលបំណងសុំអន្តរាគមន៍ឱ្យមានការដោះលែងទាហានកម្ពុជាទាំង ១៨រូប និងបង្ហាញគោលជំហរប្រឆាំងសង្រ្គាមឆ្លៀនពានរបស់សៀមមកលើកម្ពុជា បានប្រមូលហត្ថលេខាជិត ១ពាន់។

លោកបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជា បានឲ្យដឹងថា ការប្រមូលហត្ថលេខាដោយផ្ទាល់លើញាត្តិ បានធ្វើឡើងនៅថ្ងៃទី០៥ ខែសីហា ឆ្នាំ២០២៥ ចាប់ពីម៉ោង ០៩៖០០ ព្រឹក ដល់ ១៧៖០០ល្ងាច នៅក្នុងអគារឥន្ទ្រទេវី រាជបណ្ឌិត្យសភាកម្ពុជា។ លោកបានឲ្យដឹងថា ព្រឹកមិញនេះ ឧបនាយករដ្ឋមន្ត្រី សុខ ចិន្តាសោភា ក៏បានអញ្ជើញចុះហត្ថលេខាលើញ្ញតិផងដែរ។

ទោះជាយ៉ាងណា ចលនាប្រមូលហត្ថលេខា អាចបន្តមួយរយៈទៀត ដើម្បីប្រមូលហត្ថលេខាឲ្យបានកាន់តែច្រើន នៅក្នុងអគារឥន្ទ្រទេវី រាជបណ្ឌិត្យសភាកម្ពុជា ដដែល។ នេះបើតាមលោកបណ្ឌិត យង់ ពៅ៕